slokkvilid

Árið 2025 í tölum

Wed, 25 Feb 2026 13:26:17 GMT

Slökkvilið Akureyrar var kallað út 4.115 sinnum árið 2025.

Varðliðið sinnti 3.122 sjúkraflutningum á landi árið 2025, en af þeim voru 28% útkalla í forgangi F1 og F2. Heildartímafjöldi í sjúkraflutningum árið 2025 voru 2.788 klst. Um 8% flutninga á landi voru út fyrir starfssvæði slökkviliðsins, eða 169 flutningar. 3,4% sjúklinga sem fluttir voru í sjúkrabílum voru erlendir ferðamenn.

Sjúkraflugið er stór partur af starfsemi liðsins en farið var í 890 sjúkraflug á árinu 2025 með 940 sjúklinga. Það er fækkun um 6% í sjúkraflugum á milli áranna 2024 og 2025. Um 43% fluga ársins 2025 voru í forgangi F1 og F2. Um 87% fluga í forgangi F1 og F2 enduðu í Reykjavík en 13% á Akureyri. Í 6,7% tilfella var flogið með gjörgæslusjúklinga og í 10% tilfella var flogið með fleiri en einn sjúkling. Alls var flogið með 29 sjúklinga í 28 flugum þar sem upphafs- eða áfangastaður flugs var utan landsteina Íslands.

Dælubílar voru kallaðir út 103 sinnum árið 2025, er það fækkun um 43% útköll frá árinu 2024. Um 50% útkalla á dælubíla voru í forgangi F1 og F2.

Heildarfjöldi skoðana í eldvarnareftirlitinu voru 146 skoðanir á árinu 2025. Heildarfjöldi beiðna um umsagnir voru 108. Vinna við forvarnarstarf og námskeið voru um 160 klst. yfir árið 2025.

Skoðunaráætlun fyrir árið 2026 gerir ráð fyrir 260 skoðunum á árinu, en hana má sjá hér .

Björnis brunabangsi flytur til Íslands

Fri, 15 Aug 2025 10:29:30 GMT

Það eru gleðitíðindi að tilkynna að Björnis brunabangsi er að flytja til Íslands. Björnis kemur frá Þrándheimi í Noregi og er hann væntanlegur með flugi til landsins 19. ágúst nk. Hann hefur náð gríðarlegum vinsældum meðal allra aldurshópa í sínu heimalandi og er þetta í fyrsta skipti sem Björnis leggur land undir fót.

Slökkvilið höfuðborgarsvæðisins er ábyrgðaraðili verkefnisins en Björnis mun vera öllum slökkviliðum landsins til aðstoðar við fræðslu og forvarnarstarf, einkum þegar kemur að fræðslu fyrir yngstu kynslóðina. Björnis hefur nú þegar tryggt sér stað í hjörtum margra íslenskra barna þar sem sjónvarpsþættir um Björnis, eða Bjössa brunabangsa eins og hann er oft kallaður, hafa verið sýndir á RÚV og hafa þættirnir slegið í gegn.

Um er að ræða stórt og metnaðarfullt verkefni sem stuðlar að bættum brunavörnum á heimilum landins til framtíðar. Það hefur hlotið virkilega jákvæðar undirtektir og án aðkomu styrktaraðila hefði þetta verkefni ekki verið mögulegt. Björnis er spenntur fyrir nýjum heimkynnum.

Krafa Miðstöðvar Sjúkraflugs um tafarlaus viðbrögð vegna lokana á flugbrautum Reykjavíkurflugvallar

elvadp@akureyri.is (Elva Dögg Pálsdóttir) — Thu, 06 Feb 2025 16:33:49 GMT

Þann 10. janúar sl. var tilkynnt um verulegar takmarkanir á flugumferð um Reykjavíkurflugvöll. Sú takmörkun er fólgin í lokun tveggja flugbrauta, 13 – 31, í myrkri vegna áhrifa trjágróðurs á aðflugs- og brottflugsfleti umræddra flugbrauta. Þann 6. febrúar síðastliðinn var svo tilkynnt að innan 48 klukkustunda verði flugbrautunum lokað fyrir allri flugfumferð, burtséð frá birtuskilyrðum. Sú lokun mun því taka gildi laugardaginn 8. febrúar.

Í kjölfar þeirra takmarkana sem settar voru á notkun umræddra flugbrauta 10. janúar sl. sendi Miðstöð Sjúkraflugs frá sér yfirlýsingu þar sem lýst var áhrifum takmarkanna á aðgengi sjúklinga af landsbyggðinni að nauðsynlegri og oft á tíðum bráðri læknisþjónustu á Landspítala. Það er augljóst og óumdeilt að algjör lokun á umræddum flugbrautum mun hafa mun verulegar afleiðingar á lífslíkur og batahorfur fjölmargrar bráðveikra og alvarlega slasaðra sjúklinga sem þurfa á tímaháðum inngripum að halda á Landspítala þar sem önnur sjúkrahús á landinu geta ekki veit viðlíka meðferð. Einnig er augljóst að keðjuverkandi afleiðingar umræddra lokana munu valda fráflæðisvanda á Landspítala, þrengja mun að legurýmum annarra sjúkrahúsa og tafir munu verða á aðgerðum og rannsóknum sjúklinga af landsbyggðinni.

Miðstöð sjúkraflugs á Íslandi lýsir yfir þungum áhyggjum vegna þessara lokana, enda er óheft aðgengi sjúkraflugvéla að Reykjavíkurflugvelli í mörgum tilfellum lífsnauðsynlegt fyrir veika og slasaða af stærstum hluta landsins.

Líkt og fram kom í fyrri yfirlýsingu frá hópnum eru hátt í 650 sjúklingar fluttir á ári til Reykjavíkur með sjúkraflugvélum af landsbyggðinni. Í um 45% tilfella er um að ræða sjúklinga sem nauðsynlega þurfa að komast í bráða þjónustu á Landspítala Háskólasjúkrahúsi, þar með talið sjúklingar sem þurfa að komast í tímaháð inngrip, s.s. vegna bráðra kransæðaþrenginga, heilablóðfalla og háorkuáverka. Í slíkum tilfellum er ástand sjúklinga með þeim hætti að lengdur flutningstími sem myndi hljótast vegna flutnings frá Keflavíkurflugvelli, hvort sem um er að ræða landleiðina með sjúkrabíl eða með þyrlu, getur dregið verulega úr lífslíkum eða batahorfum viðkomandi.

Út frá gögnum um flug á Reykjavíkurflugvelli eru flugbrautir 13 og 31 notaðar í um 25% af öllum hreyfingum á flugvellinum. Sé það heimfært yfir á sjúkraflugið má gera ráð fyrir að það hafi áhrif á ríflega 160 flug á ári, eða um 70 sjúklinga í hæstu forgangsflokkum miðað við fjölda sjúklinga árið 2024. Um helmingur þessa sjúklingahóps er fluttur í tímaháð og bráð inngrip þar sem allar tafir teljast ógna lífslíkum og batahorfum.

Af ofangreindu er það skýr og augljós krafa að aðilar málsins, þ.e. Reykjavíkurborg, Innviðaráðuneyti, ISAVIA og Samgöngustofa, axli ábyrgð og tryggi opnun og rekstraröryggi flugbrauta 13 og 31 með eins tafarlausum hætti og mögulegt er.

Aðilar að Miðstöð sjúkraflugs á Íslandi eru Slökkvilið Akureyrar, Sjúkrahúsið á Akureyri og Norlandair.

Nánari upplýsingar veita:

Tómas Dagur Helgason, flugrekstrarstjóri Norlandair, sími: 898-2024

Gunnar Rúnar Ólafsson, slökkviliðsstjóri Slökkviliðs Akureyrar, sími: 893-0674

Chris Wolffensperger, yfirlæknir svæfinga- og gjörgæslulækninga Sjúkrahússins á Akureyri, sími: 860-0589

Yfirlýsing frá Miðstöð sjúkraflugs á Íslandi

Tue, 21 Jan 2025 13:21:46 GMT

Yfirlýsing Miðstöðvar sjúkraflugs á Íslandi vegna lokunar flugbrauta á Reykjavíkurflugvelli

Þann 10. janúar sl. var tilkynnt um verulegar takmarkanir á flugumferð um Reykjavíkurflugvöll. Sú takmörkun er fólgin í lokun tveggja flugbrauta í myrkri vegna áhrifa trjágróðurs á aðflugs- og brottflugsfleti umræddra flugbrauta.

Miðstöð sjúkraflugs á Íslandi lýsir yfir þungum áhyggjum vegna þessara takmarkana, enda er óheft aðgengi sjúkraflugvéla að Reykjavíkurflugvelli í mörgum tilfellum lífsnauðsynlegt fyrir veika og slasaða af stærstum hluta landsins.

Á hverju ári eru fluttir 950 til 1000 sjúklingar með sjúkraflugi þ.e. flugvélum, þar af um 630-650 til Reykjavíkur. Í um 45% tilfella er um að ræða sjúklinga sem nauðsynlega þurfa að komast í bráða þjónustu á Landspítala Háskólasjúkrahúsi, þar með talið sjúklingar sem þurfa að komast í tímaháð inngrip, s.s. vegna bráðra kransæðaþrenginga, heilablóðfalla og háorkuáverka. Í slíkum tilfellum er ástand sjúklinga með þeim hætti að lengdur flutningstími sem myndi hljótast vegna flutnings frá Keflavíkurflugvelli getur dregið verulega úr lífslíkum eða batahorfum viðkomandi.

Í þeim tilfellum, sem ekki teljast bráð, er ljóst að umræddar takmarkanir á notkun Reykjavíkurflugvallar munu hafa verulega hamlandi áhrif á aðgengi sjúklinga af landsbyggðinni að heilbrigðisþjónustu og fráflæði sjúklinga frá Landspítala.

Gögn um starfsemi sjúkraflugs árið 2024 sýna að a.m.k. 15% sjúkrafluga um Reykjavíkurflugvöll eiga sér stað í myrkri og þar af er umtalsverður hluti um þær flugbrautir sem nú hefur verið lokað.

Það er því ljóst að lokanir umræddra flugbrauta munu hafa áhrif á batahorfur og lífslíkur tuga sjúklinga ár hvert og er á skjön við lög um jafnan aðgang að heilbrigðisþjónustu.

Miðstöð sjúkraflugs á Íslandi bendir á að mikilvægt er að Reykjavíkurborg og önnur yfirvöld sem hafa með málið að gera leiti allra leiða til úrbóta málsins.

Aðilar að Miðstöð sjúkraflugs á Íslandi eru Slökkvilið Akureyrar, Sjúkrahúsið á Akureyri og Norlandair.

Nánari upplýsingar veita:

Gunnar Rúnar Ólafsson, slökkviliðsstjóri Slökkviliðs Akureyrar, sími: 893-0674

Chris Wolffensperger, yfirlæknir svæfinga- og gjörgæslulækninga Sjúkrahússins á Akureyri, sími: 860-0589

Árið 2024 í tölum

Tue, 14 Jan 2025 13:20:35 GMT

Slökkvilið Akureyrar var kallað út 4.171 sinnum árið 2024.

Varðliðið sinnti 3.066 sjúkraflutningum á landi árið 2024, en af þeim voru 29% útkalla í forgangi F1 og F2. Farið var í 282 flutninga út fyrir starfssvæði liðsins, og er það aukning um 38% frá árinu 2023. Fækkun var á erlendum ferðamönnum milli ára um 14%.

Sjúkraflugið er stór partur af starfsemi liðsins en farið var í 943 sjúkraflug á árinu 2024 með 973 sjúklinga. Það er aukning um 3% í sjúkraflugum á milli áranna 2023 og 2024. Um 44% fluga ársins 2024 voru í forgangi F1 og F2. Í 6,4% tilfella var flogið með gjörgæslusjúkling og í 7% tilfella var flogið með fleiri en einn sjúkling. Alls var flogið með 33 sjúklinga í 30 flugum þar sem upphafs- eða áfangastaður flugs var utan landsteina Íslands.

Dælubílar voru kallaðir út 162 sinnum árið 2024 en það er 17% aukning frá árinu 2023.

Logi og Glóð 2024

Tue, 21 May 2024 15:12:52 GMT

Árlega heimsækir Slökkvilið Akureyrar elstu börnin í leikskólunum á Eyjafjarðarsvæðinu til þess að fræða börnin um eldvarnir. Í heimsóknunum nýtur Slökkviliðið aðstoðar sérstakra aðstoðarmanna, slökkviálfana Loga og Glóð. Börnin fá fræðslu um eldvarnir og fá að kynnast starfi slökkviliðsmanna og búnaðinum sem þeir nota í starfi sínu. Í heimsóknunum á leikskólana fá börnin möppu sem heitir Slökkviliðið mitt, en í henni eru meðal annars þrautir, verkefni og fræðsla um eldvarnir.

Fimmtudaginn 16. maí síðast liðinn var haldin útskriftarhátíð fyrir börnin úr elstu deildum leikskólanna sem þakklætisvott frá Slökkviliðinu fyrir þá góðu vinnu sem þau hafa sinnt í brunavörnum í leikskólunum í vetur. Þá voru leikskólarnir sóttir á rútum og boðið í heimsókn á Slökkvistöðina þar sem þau glímdu meðal annars við þrautabraut, fengu að æfa sig á brunaslöngunum og prófa reykköfun. Að lokum var svo öllum boðið upp á grillaðar pylsur og safa. Um 220 börn mættu á Slökkvistöðina og áttu með okkur frábæran dag.

Við viljum þakka þessum flottu krökkum og starfsfólki leikskólanna fyrir heimsóknina og samveruna í vetur.

Fleiri myndir frá heimsókninni má sjá hér .

Fyrsta stafræna brunavarnaráætlun landsins

Fri, 02 Feb 2024 15:12:52 GMT

Write about something you know. If you don’t know much about a specific topic that will interest your readers, invite an expert to write about it.

Speak to your audience

You know your audience better than anyone else, so keep them in mind as you write your blog posts. Write about things they care about. If you have a company Facebook page, look here to find topics to write about

Take a few moments to plan your post

Once you have a great idea for a post, write the first draft. Some people like to start with the title and then work on the paragraphs. Other people like to start with subtitles and go from there. Choose the method that works for you.

Don’t forget to add images

Be sure to include a few high-quality images in your blog. Images break up the text and make it more readable. They can also convey emotions or ideas that are hard to put into words.

Edit carefully before posting

Once you’re happy with the text, put it aside for a day or two, and then re-read it. You’ll probably find a few things you want to add, and a couple more that you want to remove. Have a friend or colleague look it over to make sure there are no mistakes. When your post is error-free, set it up in your blog and publish.