Fréttir

Slökkvilið Akureyrar fær Tohatsu dælu

Slökkvilið Akureyrar er þessa dagana að fá Tohatsu dælu af gerðinni VC72AS.  Þetta er laus dæla sem er staðsett í nýju Scaniunni.  Sá bíll er einmitt sérstaklega hannaður til að nota þar sem vatnsöflun er erfið, t.d. í sveitum og er dælan góð viðbót í lausadælukost Slökkviliðsins.  Fyrir á Slökkviliðið tvær Tohastu dælur, þar af er önnur staðsett í Hrísey, en ennfremur á SA nýja Rosenbauer Fox dælu á kerru.

SA sendir mann í Paramedicnám til Pittsburg (og Hvanndalsbræður fara í frí!)

Nú um helgina hélt Valur Halldórsson frá SA til náms í Pittsburg í Bandaríkjunum.  Hann mun verða þar í vetur í framhaldsnámi í sjúkraflutningum, svokölluðu paramedicnámi.  Þetta er sama nám og Sveinbjörn Dúason hjá SA og allmargir hjá SHS hafa tekið.  Þetta er krefjandi nám þar sem farið er dýpra í fræðin, líffæra- og lífeðlisfræði, lyfjafræði auk meðferð sjúkra- og slasaðra.  Náminu fylgir mikið verklegt nám, bæði á sjúkrahúsum og sjúkrabílum í Pittsburg þar sem mikið gengur á og menn upplifa margt sem þeir sjá kannski aldrei í starfi hér þótt reynslan nýtist engu að síður.  Við óskum Vali góðs gengis í náminu og fylgjumst með honum úr fjarlægð.  Þess má geta að Valur er einn þriggja Hvanndalsbræðra og munu þeir því ekki troða upp meðan á náminu stendur.  Það er ljóst að hann leggur mikið á sig, fjölskyldu sína  og aðdáendur alla til að þetta gangi upp og á Valur heiður skilið að drífa sig í þetta nám.

Verslunarmannahelgin 2006

Nokkuð annríki var um nýliðna verslunarmannahelgi einkum vegna hátíðarinnar "Einnar með öllu" sem haldin var hér á Akureyri.  Samtals eru skráð 57 útköll frá föstudegi til mánudags en á sama tíma í fyrra voru útköllin 37.  Af þessum 57 útköllum voru 34 sjúkraflutningar, þar af 15 neyðarflutningar og 3 sjúkraflug.  Önnur útköll voru 18 og þar af voru 9 vegna elds, oftast í tjöldum en einnig í ruslaílátum, þar af eitt í hraðbanka KB banka.  Slökkviliðið fékk 6 sinnum eldboð frá skemmtistöðum um helgina en í þeim tilfellum var aldrei um raunverulegan eld að ræða.  Einnig var beðið um aðstoð slökkviliðs vegna vatnsleka í Glerárskóla, viðbragð vegna eftirför hjá lögreglu og viðbragðsstaða vegna flugeldasýningar á Íþróttavellinum. 

Mengunarmælar og meðhöndlun þeirra

Undan farna daga hafa slökkviliðsmenn hjá SA fengið kennslu í meðhöndlun mengunarmæla þ.e. notkun og umhirðu mælanna. Hjá okkur hefur verið sérfræðingur frá RAE-system sem er stór aðili í framleiðslu og uppsetningu efnamæla. Áherslan hefur verið að þjálfa upp tvo menn sem í framhaldinu munu fara með þekkingu sína til annara starfsmanna slökkviliðsins. Þetta sem viðbót er mjög stórt skref í uppbyggingu okkar til að veita betri þjónustu vegna mengunarslysa, sem felst ekki síst í því að tryggja betur öryggi slökkviliðsmanna okkar. Það er lykil atriði í björgunar aðgerðum að geta metið hættuna og hafa sem bestan búnað til þess að það sé mögulegt. Árangur aðgerða byggist á réttu mati !.....................

Bensínflutningabíll veltur

Tilkynning barst kl. 8:17 í morgun frá 112 um að bensínflutningabíll hefði oltið í Ljósavatnsskarði, skammt norðan Stórutjarnarskóla og að ökumaður væri slasaður.  Strax var sendur sjúkrabíll með 3 mönnum á staðinn ásamt dælubíl með 2 mönnum.  Ljóst var að sjúklingur væri ekki fastur í bílnum.  Jafnframt var óskað eftir því að Slökkvilið Þingeyjarsveitar yrði kallað út, svo og tvær vaktir SA.  Einnig var óskað eftir því að sendur yrði tankbíll SA til aðstoðar.  Sá bíll er með 10000 lítra af vatni og 600 lítra froðutank og búinn sjálfvirkri froðublöndun í dælu.

Könnun varðandi menntun og þjálfun sjúkraflutningamanna

Um þessar mundir er verið að undirbúa könnun á landsvísu sem ætlað er að afla upplýsinga um menntun og þjálfun þeirra sem að sjúkraflutningum koma. Jafnframt verður leitað eftir upplýsingum varðandi undirbúning að fyrirhuguðu bráðatækninámi (Paramedic) á Íslandi. Allir sjúkraflutningamenn, rekstraraðilar sjúkraflutninga svo og nokkrir hjúkrunarfræðingar og læknar á landsbyggðinni eiga von á kynningarbréfi fljótlega eftir verslunarmannahelgi. Könnunin verður rafræn og í kynningarbréfinu mun fylgja lykilorð til þess að geta svarað spurningunum.

Hrísey

Tveir slökkviliðsmenn frá Akureyri fóru í vinnuferð til Hríseyjar um helgina. Ýmsum aukabúnaði var bætt í starfsstöðina, eins og handverkfærum, vöðlum, 4” slöngum, efri skáp og fl. Veðrið var eins og best verður kosið, til að nýta sér það var þekjandi fúavörn borin á allt tréverkið á húsinu....................................

Leitarköfun í “Lóninu”

Á laugardags kvöld þótti lögreglu ástæða til að gera leit í lóninu fyrir ofan stífluna í Gleránni. Kafari frá Slökkviliði Akureyrar fór í leit neðan Borgarbrautar og fylgdi straumröstinni niður af stíflu. Sem betur fer hefur líklega ekki verið ástæða til þessa, en verkefnið ítrekaði gott samstarf slökkviliðs og lögreglu.............

Fyrirlestur um eldinn í Mont Blanc göngunum 1999.

Í mars árið 1999 kviknaði mikill eldur í Mont Blanc göngunum. Þau eru 12 km. löng og liggja á milli Frakklands og Ítalíu, 39 manns létu lífið í brunanum.  Umfangsmiklu björgunar- og slökkvistarfi var stjórnað frá hvoru landi fyrir sig.  Eric Ciroud, sem var slökkviliðsstjóri í Chamonix á þessum tíma, var stjórnandi aðgerða Frakklands megin.........................

Björn frá Vopnafirði

Björn H. Sigurbjörnsson slökkviliðsstjóri á Vopnafirði hefur verið ráðin í stöðu eldvarnareftirlitsmanns í Slökkviliði Akureyrar. Björn hefur starfað sem slökkviliðsstjóri í 13 ár og er okkur mikill fengur í því að fá hann til starfa hjá okkur........................