Fráfall starfsfélaga.
12.08.2013
Pétur Róbert Tryggvasonar, slökkviliðs- og sjúkraflutningamaður hjá Slökkviliði Akureyrar verður jarðsunginn frá Akureyrarkirkju fimmtudaginn 15. ágúst kl. 13:30. Pétur Róbert lést við skyldustörf í flugslysinu þann 5. ágúst síðastliðinn.
Pétur Róbert, sem var húsasmiður að mennt, hóf störf hjá Slökkviliði Akureyrar sem slökkviliðs- og sjúkraflutningamaður í apríl 1999 þá 21 árs gamall. Starfaði hann þar óslitið síðan og á þeim tíma meðal annars gengt stöðu varðstjóra auk annara trúnaðarstarfa.
Við, starfsfélagar hjá Slökkviliði Akureyrar, kveðjum þig kæri vinur með þessu ljóði eftir Hákon Aðalsteinsson.
Dökkur skuggi á daginn fellur,
Dimmir yfir landsbyggðina.
Köldum hljómi klukkan gellur,
kveðjustund er milli vina.
Fallinn dómur æðri anda,
aðstandendur setur hljóða.
Kunningjarnir klökkir standa,
komið skarð í hópinn góða.
Gangan með þér æviárin
Okkur líður seint úr minni.
Við sem fellum tregatárin
Trúum varla brottför þinni.
Þína leið til ljóssins bjarta
lýsi drottins verndarkraftur.
Með kærleiksorð í klökku hjarta
kveðjumst núna, sjáumst aftur.
(Hákon Aðalsteinsson.)
Péturs Róberts verður sárt saknað.
Guð blessi minningu hans.