Fréttir

SA.-1   Vinna heldur áfram við SA- 1 gamla. En forsaga þess að ráðist var í þessa framkvæmd var að áhugasamir menn hér í bænum um fornbíla og annað gamalt sem hefur söfnunargildi og sögu  fyrir Akureyrarbæ þ.e. einhver tæki sem hafa þjónað fyrir bæinn eða einstaklingum.

Undanfarið hafa tveir heiðursmenn þeir Óskar Pétursson og Smári Jónatansson unnið við að lagfæra SA-1 gamla í sitt fyrra horf eða eins og hann var hér um bil þegar hann var smíðaur hér á Akureyri 1953 af þeim Braga á BSA og Sveini Tómasyni fyrrum slökkviliðsstjóra en það verk leystu  þeir vel af hendi karlarnir.

Fimm starfsmenn slökkviliðs Akureyrar luku í dag fyrri hluta náms atvinnuslökkviliðsmanna.

Slökkvilið Akureyrar leitar þessa dagana eftir starfsmanni í fullt starf ásamt því að tvo vantar í sumarafleysingar hjá liðinu.

Síðasta vika byrjaði kröftulega í sjúkraflugi, en mánudag um 08:00 kom fyrsta beiðnin um F-1 (hæsti forgangur) flug frá Akureyri til Reykjavíkur. Á meðan á því flugi stóð var óskað eftir F-1 flugi frá Egilsstöðum til Reykjavíkur. Ekki var liðin langur tími er beiðni kom um annað F-1 flug frá Norðfirði til Reykjavíkur. Í öllum tilfellunum var um alvarleg hjartatilfelli að ræða. Á meðan fyrsta flug var klárað þá var óskað eftir því að ekið væri með þann sem á Norðfirði var til Egilsstaða og síðan voru þessir tveir sjúklingar sóttir þangað og þeir fluttir til Reykjavíkur.

Nú stendur yfir fyrri hluti námskeiðs atvinnuslökkviliðsmanna.

Landssamband slökkviliðs- og sjúkraflutningamanna (LSS) efndi til árlegs Eldvarnaátaks í nóvember 2009 í samstarfi við TM, Brunamálastofnun, slökkviliðin, 112 og fleiri aðila. Slökkviliðsmenn heimsóttu nær alla grunnskóla landsins, fræddu átta ára börn um eldvarnir og öryggismál og gáfu þeim kost á að taka þátt í Eldvarnagetrauninni 2009.      

Ársskýrsla slökkviliðs Akureyrar er komin út. Hægt er að nálgast hana á stikunni hér til vinstri "Ársskýrslur". 

Áramótavakt slökkviliðs Akureyrar var róleg og þægileg. Fjögur sjúkraflug voru farin á síðasta sólahring ásamt flutningum. Dælubíll liðsins var kallaður út í gærkveldi þar sem tilkynnt var um eld í blokk í Tröllagili. En glampi frá arineldi speglaðist í glugga íbúðarinnar og leit úr fyrir að um eld væri að ræða.

Í vikunni lauk heimsóknum okkar í 7. bekki í grunnskólum hér á starfssvæði Slökkviliðs Akureyrar einnig fórum við í grunnskólann á Dalvík.  Var þetta liður í átaki í forvörnum í kringum áramótin unnið í samvinnu með lögreglu..  Farið er yfir þær hættur sem geta skapast í kringum flugelda og hvað bera að varast.  Höfðað er sérstaklega til drengja þar sem að þeir eiga það til að vera fikta með flugelda, taka þá í sundur og  safna púðrinu saman til að reyna að búa til öflugri sprengjur.  Þessar heimatilbúnu sprengur eru stórhættulegar og hafa oft valdið miklum skaða.